一个非民选政府，你认为会为渠地你设想咩？
第一，中央自己都推行好多改善民生的政策，证明北京有心做。 （能不能成功争取人民归附就是另一个问题）
第二，习近平都叫小曾搞好长短期民生问题。
呢两样都可以证明，在中南海支持下，曾氏政权改革税制，例如开征累进利得税，资产增值税，物业空置税等＂劫富济贫＂的税项，阻力并不大。
但是政府却只是加烟税而不加酒税，让穷人不能吸烟，富人却可以不受影响，是阶级歧视！
另外，又不加酒税，如果论有害，饮酒为人们带来的伤害更大：二手烟可以躲开，但醉驾造成的车祸是很难避开的！
既然两样都有害，为什么酒税又不加？明显是因为唐唐这帮富豪爱饮红酒！
可以拿乱派六千的钱来增加大学学位，让穷学生增加脱贫的机会，又不做！新加玻的大学收生率系我地的一倍!
我唔认为受大学教育的人, 比其他地方少一倍的香港, 未来竞争力会越来越高SOSAD
令青年人有向上流的希望, 自然努力工作, 增加社会资源的生产。呢项德政又点会无用呀?
仲有，智识型经济，但本地生入大学竟只有18%, 咁叫转型为智识型经济呀?! 咁即系串果D 因为无能政府而读唔到大学的学生唔勤力, 无智识! 咁真系伤口上洒盐!!!
上面呢Ｄ咁鬼易做的利民政策都唔识搞（无心搞）唔好话设立全民退休保障，失业援助系统，改善公共医疗体系等等，你班屁民真系谂都唔好谂呀！
中央为左笼络民心, 维持暴政, 都识做下样, 搵个影帝扮下关注民情... 但个胡须曾居然话平时唔食粟米斑腩饭, 所以唔知价... 戏都懒得做!
除了反对，还可以做乜？
最低工资我地讲左几十年，等到全世界大部分地方都有，我地而家先至认真讨论。证明有用的社会政策，在和某些利益集团的利益有抵触时， 就会被不公义的制度阻挠。要实行，甚至只是有人关注讨论，都有如挟太山以超北海，是诚不能也！
然而，立法会功能组别是特权阶级控制，三十个议席, 零票当选的有十四个！我们又不能够用选票来换特首，除了反对，还可以点样实现安定社会民生的政策？
你以为我地系没有镜头，哪会蒲头咩？好想日日冲上街, 坐系马路, 塞住街道咩? 仲要被警察抬, 又踢脚, 又屈手, 又拗骨, 又挞地, 乜都齐! 你估我地唔痛架? 好多朋友唔单只周身伤，仲留左案底! 我地好多时都觉得好攰! 为乜呀?
讲到底都系为左个公平公正公义的民主社会，每个人都享有一切自由，包括免于匮乏的自由！
你地谂下，廿年来，成个建制，仲有声称要建制内改革的人，系议会内外为我地做过Ｄ乜？除左扮绅士，扮理性，非粗口，你仲记得几多样？我就净系知渠地会年年提平反六四议案！
其他我真系完全无印象，只系知道循例骂完就被否决，然后件事就被大家遗忘，甚至大家根本唔知有过件咁的事！
咁捻ＯＮ９，咁捻废的政棍，上一代的市民居然可以容忍！无他，历史契机同大家努力所带来的经济成果，丰硕得可以令人自我陶醉，以为以后都可以好舒服咁舞照跳，马照跑。
渠地无视政府的高地价政策会养肥大地产商，因为渠地当时仲租／买得起楼同炒楼，结果庞然巨物今日终于食左自己，同埋下一代，即系我地！
父债子还！
我地慢慢长大，成个社会都开始走向极右，到我地（快要）成年时，我地睇到，越来越多的人受到压迫。唔单只系弱势社群，原来只要你唔系李氏力场的主人，千亿新抱个老爷，二三四太个老公，你就系被压迫剥削的人！
毫不犹豫地，我地决定改变呢个社会，弥补上一代纵容政棍失职，对邪恶沉默的大错！
别被谎言蒙蔽！
官方同传媒都话我地激进暴力，但有乜仲暴力得过呀爷吹鸡，功能组别按一个制就可以否决全民意愿的制度暴力呀？呢样真系讲到口都臭！
唔该有电脑的去ＹＯＵＴＵＢＥ睇下，我地和平示威时，系边个先冲埋来推人？边个用胡淑喷雾喷细路仔？边个叫四五只鹰犬拖住一个人周围挞？边个阻止记者拍摄？
仲有中共贱狗彭清华，李刚（又系李刚＞＜），汪洋之流，未审先判，叫港府严惩示威人士。果Ｄ用枪炮坦克屠城的仆街，竟然有面骂向权贵叫口号的社运人士是使用暴力。唔通大家真系要香港政治犯的数目，好似内地咁直线上升咩？
＂先顾温饱，再搞政治＂？
大家或者以为，搞掂自己先至搞社运。我话你知，你真系好傻好天真！
真系咪捻信司徒华果套＂先顾温饱，再搞政治＂！成个社会，人与人之间系互相依存，唇亡齿寒。如果你今日不为被压迫者抗争，他朝君体也相同的时候就喊都无谓啦！
好似今日菜园村被人拆，唔知边一日，我地都可以因为有仆街睇中块地而逼迁我地！你睇田生几恶。
唔好唔记得，之前立法会过左强拍条例，成幢楼八成业权被收购就可以强拍，坚不屈服的业主只能赔了夫人又折兵。
你谂下，如果全港公投决定左要拿你副身家，但你认为合唔合理呀？如果你读过西史，一战德国战败，战胜列强唔准渠参加和谈，一黎就要签＜凡尔赛条约＞，你话公唔公平呀？
面对咁不义的社会，只要有体力时间，真系应该出来保卫弱势，为下一代打拼！而呢句废话，只会成为港式醒目仔不去呼应良知和历史召唤的借口！
内地同胞都甘冒生命危脸，响应茉莉花革命！我地香港人如果仲斯斯缩缩，真系好捻羞家架！以后有游行示威，真系请大家行出黎，行完唔好就咁就走，要留到最后一刻钟！
如果咁好彩，你被人抬的相被人影到，你就可以指住张相，好自豪咁同个孙讲：你呀爷（呀嫲）我后生果时出黎抗争过架！唔系你地今日边有咁好生活呀？选特首喎...无我地，你边有得投票呀！哈哈哈......
（LIKE的话请同身边仲对现有建制抱有期望的, 又话我地搞事的亲友讲）
（2011/03/10 发表）
沒有留言:
張貼留言